Ab in den Urlaub ...

... mir hoffet Ihr heget üseri musikalisch Reis anlässlich em Johreskonzert chönne gnüsse und dä Jetlag vom Flug (oder doch eher vo dä Bar??) seg nöd all zu gross gsi? Mir händ die beide Konzertweekend i volle Züg gnosse und danket allne, wo i irgendwelcher Art und Wiis dezue biitreit händ. Vorallem au allne freiwillige Helfer i dä Chuchi, Service, Buffet, Iitritt, Parkdienst usw. Ohni eui wär das unmöglich!

En grosse Dank au üserem Dirigent, em Vorstand und dä Musikkommission. Au alle Musikante es Lob für ihre Isatz vor, hinder und teilwies sogar unter dä Bühni! Üseri bewährte Theaterspieler händ natürlich au wieder alles geh! Dä gröscht Dank goht natürlich a die zahlriche Bsuecher - ohni eui wür's kei Spass mache! Eue Applaus entschädigt üs für dä ganz Ufwand. Danke villmol! Impressione vom 15. März findet ihr unter üsere Bildergallerie.

Damit nöd "Ein halbes Jahrhundert" vergoht bis zu einem "Frohen Wiedersehn" und mir wieder gmeinsam chönd "Ciao d'Amore" singe ... findet ihr unter dä Agenda die nächschte Uftritt vom Musikverein Goldinge. ;-)